「綠魔」Karl彈出 凍飲唔加錢
《求愛大作戰》形象指導許嘉浩（Karl）前晚出席完時裝店活動後，與男女友人到銅鑼灣行街，在電話店買完東西後，化妝師男友人為Karl疑似補妝抹面，之後三人去買化妝品，只見Karl手持一支BB cream前往付款。之後，轉裝換上藍色衫、短褲的Karl約了《求愛》參賽者到同區的卡啦OK睇《求愛》，他說眾參賽者在第二集已出齊，大家不用將注意力集中在評判身上。
對於有網民為他改花名叫「綠魔」，Karl覺得「幾得意」，就如卡通人物史力加、Keroppi都是綠色，他不介意被人這樣稱呼：「好似依家好多人都叫BB一樣，好平常。（畀人話不男不女？）係我其中一個性格，我唔會改變。」對於「一夜成名」，他笑說：「去食嘢畀人認出，凍飲唔使加兩蚊，又送奶油豬，呢啲就係所謂一夜成名嘅好處。」
