薛家燕食壯陽嘢作嘔
薛家燕、吳千語、徐靖雯和王梓軒前晚上森美、小儀主持的《千奇百趣FREE D》節目，家燕姐見到小儀即說：「有啲人我要對付。」言下之意因被小儀玩要報一箭之仇。家燕姐說：「《獎門人》叫我去話畀獎我，我驚畀人玩唔去，點知小儀做主持，畀陽具同似精液嘅核突嘢我食，講錯，係壯陽食品，食到我嘔，（呃你食精液？）好耐未食過啦，好在我心胸廣闊唔同佢計。」
吳千語被問有無興趣入無綫和林峯拍劇，她說：「拍劇要等公司安排，選對手都唔到我話事，係導演同監製定角色。」對於港姐面試有佳麗貌似她被指「飛釘千語」。她稱有看過報道：「來自德國嗰個瘦啲似啲。（有冇諗過選港姐？）冇，我好怕醜，着比基尼喺咁凍嘅台上答問題，我會好驚好緊張。（驚飛釘﹖）泳衣有墊，唔驚飛釘。」