第41屆港姐日前進行首輪面試，當日以湯碗胸出戰的「D Cup曾寶儀」最吸睛！不過昨日有讀者爆料指她原名為林芷嘉（Karen），是雙性戀者兼私生活不檢點，Karen則全盤否認，並高呼：「我百分百鍾意男人！身家清白！」
昨日有讀者爆料指「D Cup曾寶儀」原名為林芷嘉（Karen），指她曾在鼻及眼部整容兼隆胸，更指她是幾位有錢佬女友，私生活不檢點，更是雙性戀者。爆料者又聲稱Karen跟朋友們去Ball只為認識更多富商，更指Karen與無綫高層樂易玲相熟，獲有人「拍心口會畀三甲位同簽佢」外，更提供多張照片，包括Karen伏在一名男士懷中的照片及與一名索女嘴對嘴的親吻照等，令人嘩然。
本報在Karen的個人網站上，找到大量Karen的性感噴血晒胸照，其右胸常有英文或蝴蝶等的紋身水印，份外誘人！Karen亦曾以女兵及兔女郎等性感造型現身派對，並與模媽陳靜儀（Mia）等名人合照。其實Karen學歷不俗，在英國普茨茅斯大學攻讀國際貿易系的她，於2011年畢業時父母也有出席畢業禮，Karen更攬父溫馨合照。
Karen昨日接受電話訪問時淡定否認傳聞：「我百分百鍾意男人！從來冇做過情婦、私生活唔淫亂、冇整容。我只係收過一啲含糊訊息問價，陌生人電話我唔會覆！我身家清白，屋企開模型飛機廠，自己都有做生意，層樓係我自己買，一分一毫都係自己搵！」Karen更言因從事時裝生意，故會做生招牌出席派對，因而認識不少名人模特兒，她續說：「我完全唔識樂小姐，提名人係我媽咪，參選港姐係想擴闊眼界同生活圈子，我唔想人哋以為我想做o靚模，我將來都要嫁人，想有正常家庭。」她直言怕負面新聞會影響她入圍機會。
另外，Mia昨在電話中承認跟Karen是好友：「佢私生活一啲都唔亂，佢係港姐材料，無論家底或身型都好好，之前聽過佢話想參選，希望佢入到圍。」至於以背透bra帶面試的「德國Bra妹」Sisley，原來之前在德國讀書，她上載了不少與外籍男友Deividas的親密合照及與友人玩到癲的照片，可見她個性活躍。
文：專案組