梁家輝憂女豪飲：唔好似爸爸
影帝梁家輝、任達華、陳法拉及陳靜（DaDa）、邵音音等，前晚於銅鑼灣坐巴士巡遊宣傳電影《迷離夜》、《奇幻夜》，之後到鵝頸橋打小人。穿低胸衫的DaDa俯身撿拖鞋打小人，露出三吋事業線搶「峰」頭。為配合電影詭異氣氛，家輝在臉上化上黑眼妝。他又稱今次與陳慧琳合作，不時交換做人父母心得。
提到王敏德女兒被拍得食煙，家輝說：「我個女Facebook都有食煙相，佢做學校Project扮演一個頹廢人。（佢現實中有食？）咁我唔知。（畀佢食？）我自己都有食，冇資格講呢啲嘢。」
法拉睇心理醫生
問會否讓囡囡飲酒？2002年曾醉駕兼毆打巴士司機的家輝即重提舊聞，更引以為鑑，他說：「佢都過咗18歲合法年齡，自己選擇啦！我會舉自己做例子，千祈唔好好似爸爸咁。不過我最驚係佢識唔到男仔咋！（拍拖未？）我唔代答，下次見到佢，你親自問佢。」
同場的法拉透露於戲中會劏人，事前更特地去街市睇人劏魚兼睇心理醫生做資料搜集。她說：「個醫生以為我唔肯坦白講病情，猛叫我放心講，後尾信咗我，仲同我分析角色，又唔收診金。為代入角色，我仲去拍戲嘅工廠大廈一個人過夜。（男友有冇擔心？）幾晚啫，而且上鎖好安全。」
文：影視組