莊思敏車廂親熱嫌短
莊思敏、森美、商天娥、黃德斌等前晚為《超級無敵獎門人 終極篇》錄影，眾人分享自己曾在車廂做過的親熱舉動，以豹紋泰山裝上陣的莊思敏直言「做得嘅都做過」：「通常都喺感覺安全嘅地方，好似公共露天停車場。（冇畀人發現過？）冇，可能時間短得滯。」
森美就擺楊怡和羅仲謙的「雲吞麵事件」上枱：「有次上謙謙車，佢叫我伏喺佢大髀，一伏就見到有碗雲吞麵，我死都唔肯起身，因為邊個會信有碗雲吞麵。」一向保守的商天娥亦放開懷抱說：「通常喺外面都唔會太激，如果激嘅都返屋企，由入門口玩到廁所。」黃德斌玩遊戲時因隊友輸了四次而要着四次雪凍了的衫，主持林曉峰即講不文笑話：「人哋話男人一凍就縮，咁你咪叫『斌縮』！」
