張家輝Phone聲嚇心悠
【蔡志豪馬來西亞直擊】張家輝、劉心悠及吳家麗昨於馬來西亞為家輝執導的鬼片，在一個以前是停屍間的地方拜神開鏡，張家輝日前突然換酒店，惹來撞鬼疑雲，他解釋只是因冷氣太嘈才換酒店，叫大家不要多心。劉心悠揚言今次與張家輝合作有小插曲，因家輝曾在晚上致電她，令心悠一度誤會有人玩電話整蠱她。
張家輝首次執導的電影《盂蘭神功》昨於馬來西亞開鏡拜神，演員劉心悠、吳家麗、馬來西亞演員李元玲及資深演員李威等到場，身為導演兼演員的家輝，用長竹竿點炮仗，而燒炮仗時，亦因「聲勢」十足，嚇到劉心悠及吳家麗笑着走避。
《盂》片是鬼片，家輝笑言拍攝時不少人都疑神疑鬼：「之前有個特技人拍畀火燒嘅戲，佢拍完坐埋一邊抖氣，畀人誤會撞邪，其實佢係吸入大量濃煙，要休息啫。」剛巧昨亦有傳家輝突然換酒店，亦令人有所聯想，家輝澄清說：「我之前住個間酒店，因為冷氣太嘈、窗簾透光，我先換酒店。」
操肌冇傷腎
家輝早前大晒一身朱古力肌肉，贏得男神美譽，但亦有指若在太短時間操肌太急，會令腎功能衰退，對此家輝說：「我都唔主張咁短時間內做呢啲事，手法太極端。（操得咁辛苦，係咪要清心寡慾？）總之冇影響我正常生活，（腎功能點？）OK，一切正常，身體健康，腎功能良好。（你張晒肌相經常被惡搞。）唔介意，有睇過阿Bob（DJ）嗰張，佢一大舊肌肉拎出嚟。」
劉心悠亦讚家輝的朱古力肌吸引，談到今次跟家輝合作，原來有一段小趣事，她謂：「家輝試過夜晚10點幾打畀我，我以為玩電話，梗係唔信，但之後知道係真嘅，真係好驚喜，第二日即刻打畀經理人公司度期。」
家麗似阿姐
吳家麗的戲份前晚已完成，她笑言今次是雙「家」合作，十分愉快。而前晚之戲份，是在昨日開鏡拜神之停車場進行，該停車場前身為用作停屍的善堂，故前晚拍攝時都特別將一個拍戲用的大型紙紮公仔道具開光，令工作人員安心。前晚吳家麗以大戲妝上陣，不少人指她似汪明荃（阿姐）。