盛男Rocky被起底捲強姦風波

無綫去年炮製真人騷《盛女愛作戰》反應熱烈，再接再厲的推出求偶節目《求愛大作戰》前晚首播，一眾參賽者難免被評頭品足及起底，昨日有爆料者來函，指經常笑笑口、貌似足球員陳肇麒（陳七）的Rocky（黃憲麟）曾任輔警，於2009年平安夜捲入一宗富家女強姦事件！

編導讚誠實

就此事，編導岑應昨接受電話訪問，她表示Rocky於招募時主動提起事件，大讚他夠誠實：「佢話當晚飲醉，我諗係年少氣盛，男女關係有啲混亂，不過最終告唔成，我哋了解過佢冇刑事紀錄！佢問我有冇問題，我衡量過可以接受到。」問到其他參賽者有否類似「黑歷史」？岑應表示仍有很多私事未了解，但節目是着重感人故事，希望令男觀眾有共鳴。對於首集收視平均18點，問到是否滿意？她說：「唔敢講，但唔想食老橋，想有新元素，上輯第二周畀人話悶，今次想加新嘢！」

當事人Rocky被問到捲入強姦事件，他澄清只是協助調查，但因事隔數年，或有內容記錯故不想多提，對於被讚自爆誠實，他說：「清者自清，上得節目證明我冇事發生過，我唔知咩人報料，但唔想影響到個女仔。（形象扣分？）唔怕！人哋點講控制唔到。（溝女有障礙？）點會？我重申我只係協助調查！」他笑言節目播出後收到不少朋友鼓勵，年半沒有拍拖的他更自信地說：「我唔係識唔到女仔所以嚟，只係唔介意多個機會。」

髮型似姥姥

節目另一亮點是男形象指導Karl（許嘉浩）身穿綠色西裝上陣大騷光管腳，髮型奇特猶如「姥姥」，加上嬌嗲聲線及女性化舉止，嚇窒不少觀眾，大批網友狂轟他「不男不女」及「綠魔」，人氣急升！對此，岑應力撐Karl有智慧：「導師係朋友介紹，要識講嘢同有幽默感，其實可以輕鬆啲，形象呢啲嘢好主觀，佢畀好多意見。」其實Karl曾為李蘊、林莉及趙哲妤等任形象設計，已經常打扮出位亮相活動，行內早已見怪不怪。