康華冧掂細路 收百五萬求婚

藝人黃宗澤（Bosco）、康華、姚子羚昨日宣傳劇集《好心作怪》，以低胸裙上陣的康華烏身玩遊戲時大騷事業線，久未在港露面的她表示近年都在內地拍劇，談到感情，她表示還要努力：「內地有好多追求者，全部年紀都細過我，而且識咗15分鐘，就攞張百五萬支票話要同我結婚，佢只係小朋友，真係嚇死我。（問佢點解？）佢話我似老師。」
康華大騷事業線，與王浩信玩遊戲。
康華大騷事業線，與王浩信玩遊戲。

對於前日港姐面試其中一名參賽者跟胡杏兒十分相似，Bosco聞言即說：「咁咪靚女囉！大熱！你話我貼嘅！」而姚子羚表示近日收到奇怪短訊：「有個自稱係陳煒表妹嘅人話好鍾意我，話自殺都想同我做朋友，但陳煒話冇呢個表妹，我好驚。」

黃宗澤表示似杏兒的佳麗都好靚女。
  • 黃宗澤表示似杏兒的佳麗都好靚女。