張兆輝受港式訓練頂得住
日前湯唯已在美國拍攝米高曼的新戲，而香港好戲之人張兆輝亦被導演睇中加盟，不過他直言不知道湯唯已入劇組：「係咩？未知，我暫時未有任何進展，應該係等大隊嚟香港先知道情況，亦未收到劇本。」
該片將會在美國、香港、中國及馬來西亞等地取景，張兆輝表示自己應該不用到美國開工，只會在香港及馬來西亞拍攝，問他會否跟湯唯或「雷神」基斯漢斯禾夫有對手戲？張兆輝表示：「未睇劇本，唔知自己個角色會同邊個有對手戲。不過我知道荷里活拍戲會有充足時間畀演員做準備，所以我哋呢啲受過香港拍攝訓練嘅演員，應該唔會有問題。」問張兆輝私下是否認識湯唯？他幽默地說：「我梗係識佢，但佢唔識我啫！」
