Elanne反串坦蕩蕩爽爆

藝人江若琳(Elanne)日前為主演的劇集《巾幗大將軍》到杭州出席宣傳活動,她透露事前花了數星期進行騎馬特訓,豈料拍攝時卻發生意外,要由緋聞男友袁弘扶上擔架床,並須停工三日養傷。Elanne說:「我由唔識騎到可以揮灑自如咁狂奔,點知第二日就發生意外,畀馬嘅後腳大力一踢,成個人即刻跪低咗。」

劇中,女扮男裝的Elanne每天都要披上重達幾十磅的盔甲,但她卻很喜歡:「終於可以一嘗做男人嘅滋味,每日只需廿分鐘就化完妝,講嘢、行路又可以好粗魯,反而做女仔好辛苦。」同劇演員劉梓妍則大爆Elanne經常真空周圍走,Elanne亦直認兩個月來都「坦蕩蕩」很爽,又自言身材好,紮了胸也難以遮掩。