張衞健母親識得拜拜
張衞健母親上周五遇溺昏迷送院，前日終於甦醒。連日來健仔與太太張茜、胞弟張衞彝都到醫院探望母親，昨晚健仔離開醫院前透露：「媽咪情況ＯＫ，算係穩步上揚。」由於母親仍需使用呼吸機，暫未能交談，但健仔表示母親神志清醒。他說：「我哋一邊鼓勵佢，想佢快啲唔使用呼吸機，但又怕佢太辛苦，不過醫生都讚媽咪叻女。」健仔坦言酒店方面有慰問他家人，至於賠償等問題，他說：「其他嘢唔講。」之後健仔再在電話中透露帶了母親最愛吃的魚皮進行「測試」，結果顯示她好清醒，但母親前晚睡得較差，昨日他更帶同由澳洲返港的85歲姨媽到醫院，令母親很開心。
另外，張衞彝離開前氣沖沖，問他是否心情不好？他說：「冇嘢。（媽咪進展點？）你哋問哥哥。（酒店有冇聯絡你哋？）呢啲更加輪唔到我講。」另外，健仔好友Clement形容張母比之前一日更精靈，懂得揮手跟他拜拜。
