余詠珊死撐未揀晒蟀
無綫高層兼港姐發言人余詠珊昨透露今屆港姐將進行準決賽與決賽兩部分，分別於8月25日及9月1日舉行，期間還會走遍8個城市取景，包括巴黎、北京、台北、伊斯坦堡、曼谷、首爾等，屆時候選佳麗會以抽籤形式決定目的地。
截至目前，無綫收到2,000份表格，昨日已會見了400多人，當中70多位來自海外，數目比往年高，亦有10多名學歷達碩士及博士級。談到參選者質素參差，余詠珊謂：「都未睇晒，今日揀60、70人入第2次面試，但今日好多女仔化濃妝，所以第2次面試會有專人幫佢哋化妝，方便揀人。」港姐評審之一的樂易玲亦幫口謂：「都有啲OK嘅，年齡層由19-27都有。（多唔多『藝人之後』？樂基兒個妹呢？）未見。（無綫收費台前主播都有份面試？）唔清楚，但唔會特別偏幫同加分。」