張智霖讚「美」心悠無添加

昨日張智霖（Chilam）與台灣女星劉心悠一同出席《F&H BY FANCL舞出．健康──adidas Dance舞蹈學堂》活動，二人早前剛合作電影，現在又一同拍廣告，被笑指組「情侶檔」賺錢。問Chilam的太太袁詠儀可有稱讚劉心悠？他笑說：「佢好早之前已經話心悠係一級美女，（仲有冇其他一級美女？）要好似鍾楚紅呢啲神級先叫一級，最重要係天然！（依家『整容』風氣氾濫？）係啦，依家好多人個look都好一樣，我諗我有『臉盲症』，分唔到邊個打邊個，個個好似倒模出嚟咁！（依家連男星都好似樣？）唔好咁，要畀觀眾多啲選擇，尊重觀眾。」

此外，將快約滿澤東公司的Chilam，被問到過檔問題，他鬼馬地說：「其實我同舊公司合作咁耐，好似一家人，不過我喺呢行咁多年，成日都會尋覓新鮮事，最緊要係自己努力，不論同邊間公司合作都要自強不息！」

心悠與Chilam出席活動，表現甚有默契。	Chilam大讚紅姑靚爆，未知老婆袁詠儀會否呷醋？（資料圖片）	袁詠儀

願望整大對腳

心悠對於被讚是一級美女表示很高興，那她可有考慮過整容？她說：「如果真係整，我想整大對腳，因為我對腳太細，着４號，成日買唔到鞋，着親高踭鞋就要塞好多紙巾、膠紙喺對鞋入面，搞到我成日好似飲醉酒咁企唔穩！」在旁的張智霖就笑言心悠很需要別人的「扶持」。

文：名人組