霆鋒登青城跪拜報恩

英皇集團主席楊受成昨晨率領旗下藝人謝霆鋒和容祖兒，以及高層霍汶希到成都青城山，拜祭已故風水大師陳伯。陳伯在霆鋒13歲時，已批他日後必成巨星，所以霆鋒一直視對方為恩人。據知霆鋒原定前晚出席完「格林美巨星音樂會」便啟程返港，但早已視陳伯為親人的他，決意多留一天，親自往拜祭以感激其知遇之恩，並順道為最疼愛的高齡嫲嫲祈福。

楊受成笑住投訴

昨日霆鋒接受本報獨家電話訪問時表示：「其實自己同陳伯見面時間得好短，只係見過8次面，但係大家好有緣分，咁啱今日（昨日）行得開，咪同公司去行吓山同祈福，都唔係話特別去報恩嘅。」霆鋒回憶當年入行後，有次楊生帶他見陳伯，其向陳伯「投訴」霆鋒好激氣，他說：「陳伯就同楊生講『你唔好理佢囉！』我就好開心喺側邊笑騎騎，哈哈！」

霆鋒非常疼錫嫲嫲，昨天順道祈求她身體健康。	（前左起）霍汶希、楊受成、祖兒、霆鋒	祖兒及霆鋒陪老闆楊受成歎川菜。

快將33歲的霆鋒，經歷過結婚生子、離婚、奪金像影帝、做公司CEO、患皮膚癌等，現已成熟不少的他感慨大家應活在當下：「好多都市人要特別諗啲理由，先做啲令自己開心嘅嘢，其實有啲嘢平平淡淡已經好好，得閒咪約吓屋企人聚吓，唔諗太多會開心啲。」

陳伯、霆鋒	霆鋒與經理人霍汶希陪伴楊受成有幸與鄧小平胞妹鄧先芙在成都見面。	鄧先芙、楊受成、霍汶希

呢一刻冇諗再婚

一向孝順的他又順便為嫲嫲祈求身體健康：「嫲嫲今年103歲，爹哋媽咪都老喇，雖然爹哋身體仲好fit，不過有時都有啲病痛。（幫父母祈求健康？）一向都會。」

除了工作外，問霆鋒可有考慮再婚？他笑言：「呢一刻你問我嘅梗係冇，我係咁悶嘅人，依家點會有呀？如果有新女伴，有人靠埋嚟，大家都會知。感情嘢順其自然啦，有得強求咩？」霆鋒本月將開拍王晶執導的新戲，他表示現只會專注工作，以及照顧好兩個囝囝，他亦大讚栢芝：「我都算係嚴父，不過栢芝同我同一陣線，佢教得好好，兩個仔好有禮貌，會聽人講嘢、識叫人、唔會嘈喧巴閉，栢芝身為媽咪，有好大功勞。」

文：音樂組