徐濠縈周汶錡撞衫認平胸
有說「女人怕撞衫多過撞車」，前晚潮人徐濠縈（阿徐）就與名模周汶錡撞衫，兩女均穿上同款吊帶jumpsuit，幸各有美態，平分秋色！阿徐被笑一身打扮顯得沒有身材？率直的她聽罷即笑說：「我係冇，我認o架，但我覺得平胸着衫靚啲！（老公陳奕迅有冇投訴你平胸？）佢第一日識我已經係咁啦，不過我嚟活動前做咗三次運動，可能再扁啲！」
Eason即將開騷，阿徐試過拉他一起做瑜伽：「我鍾意坐第一行，特登留咗個位畀佢，點知原來第一行係畀啲有經驗嘅人坐，最後導師調咗林德信過嚟，咁我就變咗同個靚仔一齊做喇！」此外，對於曾志偉涉及掌摑事件已告一段落，她坦言事件終於水落石出。
