司馬燕望增磅披3D婚紗
去年患胃癌的司馬燕早前完成第8次化療，昨日她首次出席營養補充品F&H BY FANCL活動見人，同場有童愛玲、羅霖及郭錦恩分別帶同子女出席，即席比併廚藝，最後由司馬燕與細仔吳景燿（Brian）勝出，老公亦上台支持，大晒溫馨。染上黑髮的司馬燕精神不錯，她笑言兩子反覺得她白髮很有型。現時體重77、78磅的她，希望增10磅，亦會開始做運動，如游水及氣功，但醫生建議她再做電療，但需檢查後才落實。
提到下月到荷蘭補辦的婚禮，司馬燕直言朋友及家人都已訂好機票，隨時飛得，她更笑言朋友話要設計有羽毛3D的婚紗給她：「我7月28日舉行婚禮，荷蘭嗰邊可能有雨，我先唔要做落湯雞。但婚紗設計係會有3D，亦有透視效果，感覺會肥啲。」
羅霖離婚細仔追問
另外，羅霖大讚7歲的細仔劉子晉有烹飪天分，又自言離婚影響到細仔：「大仔就冇乜嘢，所以我同學校老師有緊密聯絡。（細仔有冇問點解離婚？）有，我話性格不合，佢問我會唔會復合，我話要睇緣分，但依家唔會（復合）。」低胸示人的童愛玲首次帶同9歲的囝囝王子毅見人，老公則不斷拍照，她透露將出版關於囝囝成長點滴的親子書。
文：名人組