陳雅倫：無聊荒謬

藝人陳雅倫日前被周刊爆與台灣女歌手潘美辰同居，兼借了對方數百萬人民幣不還。身在廣州工作的陳雅倫昨日拒絕回應此事：「嘥氣！邊有人借咁多錢畀人，仲要冇借據。（你哋有親密關係？）對唔住，我唔係佢條女。（你借過佢錢？）我唔想講呢個人，有啲人想用我個名做宣傳，我唔會再跌入呢啲陷阱。」報道指二人是在洪欣的婚禮上認識，洪欣昨在電話中亦承認：「係呀，不過我同佢兩個都好耐冇見。（陳雅倫經濟有困難？）佢從來冇講過。（潘美辰借咗幾百萬畀佢！）呢啲嘢佢點會話我知！因為未去到咁close。」
陳雅倫踩場十指緊扣為李思捷打氣。
陳雅倫踩場十指緊扣為李思捷打氣。

此外，由李思捷主持的節目《玩嘢王》昨晚播出完結篇，無綫於荃灣某商場筵開5席與觀眾齊齊睇，請來薛家燕、郭晉安等當嘉賓，思捷把假鮑魚請家燕及安仔食，二人咬一口即知被玩，並拍打思捷報仇，而原定嘉賓名單沒有的陳雅倫，亦趕回港力撐緋聞男友思捷，不過有備而來，五度重覆與潘美辰之傳聞是「無聊、荒謬、唔回應」，還指寧願與思捷傳緋聞，又言對王宝宝（春卷）探思捷班感嬲怒及呷醋，實行藉此分散注意力。

家燕姐（右）被整蠱食假鮑魚仍開懷大笑。
  • 家燕姐（右）被整蠱食假鮑魚仍開懷大笑。