梁思浩與岑寶兒（阿夢）主持節目以冥婚為主題掀起風波，昨日二人出席活動為事件解畫，思浩死撐無意「滾搞」已故翁美玲及鍾保羅：「好似開戲咁，我想搵章子怡唔通唔講得咩？冇佢哋家人同意，我哋唔會亂嚟，而直至依家都聯絡唔到相關人士。」他又指當初不是自己「爆響口」﹕「係監製公布『名單』，唔關我事！」他又坦承曾聯絡過葉世榮及梅艷芳母親，但都拒絕了特別要求。
阿夢就落實與圈外身故者冥婚，她表示純粹為工作，問到可擔心日後另一半介意？她表示：「可能我嫁唔去呢！依家點都算嫁過一次。（咁有冇嫁妝呀？）我返去問下我阿媽囉！」
