張衞健喜見曙光：媽媽有反應

前日張母出事後，Dicky胞弟張衞彝和好友許志安已率先趕到醫院，Dicky亦立即放下工作漏夜從杭州返港，即晚與太太張茜同抵醫院了解情況。近凌晨12時，Dicky會見傳媒時表現得憂心忡忡，表示正為媽媽打氣：「希望識我媽咪同識我嘅人都幫手祈禱。」未幾就和太太在醫院保安陪同下從秘道離開，往佐敦用膳，用餐後即返回大埔道的寓所。

接受冷凍治療

昨日Dicky接受本報記者電話訪問時，談到張母的情況：「媽媽剛做完『冷凍治療』，要等身體暖番先，然後呢兩日會繼續幫佢做腦部檢查，睇吓腦細胞受損幾多，甦醒機會有幾大同埋創傷幅度有幾大。」Dicky稱目前有好幾位醫生負責治療，問到會否另找醫生和專家幫忙？他說：「暫時唔會，會交番畀醫院醫生負責。」至於醫生有否說明何時是張母的關鍵時刻？Dicky堅決地說：「冇，醫生冇咁講。」據知正在ICU留醫的張媽媽仍在觀察期中，須靠儀器輔助呼吸，暫時僅可吊鹽水不能進食。

張衞健接受傳媒訪問，表現堅強。

張衞健侍母至孝，用盡一切辦法助母親渡過難關。（資料圖片）

於下午四時半，Dicky昨日首度在醫院會見傳媒，神色凝重地說：「辛苦大家，我講完就會入返去，媽咪未醒，未知情況係點，希望完成『冷凍治療』後可以盡快甦醒。」同時Dicky稱全家人包括媽媽都是天主教徒，故安排了神父替母親做「病人傅油」的祝福儀式，他強調年滿65歲的教友都可以做，不代表甚麼。

泳池遇溺 張母前日於洲際酒店泳池暢泳，落水十五分鐘後突然遇溺，急送醫院搶救。	飛港探望 張衞健愛母心切，即放下杭州的工作搭飛機趕返香港，當晚與妻子張茜到醫院了解情況。	憂心忡忡 張母仍陷昏迷，餓了半天的張衞健夫婦只好先到佐敦的餐廳醫肚。

求主帶去身邊

同時Dicky又堅強地稱：「如果天主有第二啲安排想佢離開，亦希望天主帶媽咪去佢身邊。」其後並再三多謝所有朋友的關心和問候：「唔使擔心，我哋一家人都好堅強。」至於會否全晚留在醫院？他說：「深切治療部探訪時間短，唔會留喺度，留低都做唔到咩，亦幫唔到手，惟有祈禱。」說畢Dicky就轉身返回ICU，未幾胞弟張衞彝亦到達醫院，直接進入病房。

張衞彝抵醫院，不發一言便直走病房。

昨日一早已有大批傳媒結集在病房外。

不過當Dicky晚上八時許再度現身時，情況卻露出曙光，他說：「媽媽情況比預期好，本來預算今日及聽日係昏迷，但頭先喺媽媽耳邊講嘢，見到佢隻眼有少少張開，Feel到媽媽好努力畀反應。」問到是否逐漸甦醒？他說：「我唔敢講，但算係啦，仲未有人答到我，但始終情況轉好，我哋都樂觀。」據知Dicky三兄弟不停在母親耳邊打氣，跟極愛陽光與海灘的她說：「媽咪你好叻女，快啲醒啦，醒番就帶你旅行。」張母在兒子打氣下，眼皮閃動了6、7次之多。

文：音樂組