張建聲談情 整濕倪晨曦

「向西仔」張建聲（Justin）於新片《溝女不離3兄弟》飾演「chok爆溝女王」，他坦言入行前勁爛蒲，更曾大玩「一夜情」，但在片中與倪晨曦談情時，卻被電到怕醜兼標汗，他說：「有場我瞓佢大髀，當時片場熄咗冷氣，我啲汗印晒落佢大髀，我話『唔好意思，搞到你大髀濕晒！』，導演笑我拍三級片唔尷尬，拍呢啲反而尷尬。」
張建聲笑言與倪晨曦拍攝時怕醜兼標汗。
張建聲笑言與倪晨曦拍攝時怕醜兼標汗。

Justin透露年底將赴泰國拍電影《一路向西之泰西》，除齊齊去「醫病」外，更會見識當地人妖及夜生活，問會否跟人妖肉搏？他說：「真係好驚，唔知佢哋諗咩橋，同人妖唔係唔okay，但要睇下古仔點解要咁寫、係咪幫到部戲。」他又謂最想跟AV女優吉澤明步拍親熱戲。

倪晨曦與張建聲於新片談情。
  • 倪晨曦與張建聲於新片談情。