李思欣賣珠寶老公幫手拉客
藝人范振鋒近日打本畀老婆李思欣，於網上大搞珠寶生意，他笑言：「我就嚟唔使做。（你投資？）好少啫，濕濕碎，做珠寶生意聽落好似好勁，但其實背後有個合作夥伴，佢會支持我哋嘅貨，所以我哋冇砸貨嘅壓力。」思欣續說：「依家網上買嘢愈嚟愈興，喺美國網上買鑽石已經好hit，因為鑽石有證明書，令人放心去買。」日後會否專心做生意？她說：「暫時唔會，自己讀戲出身，拍劇係興趣，只希望呢盤生意賺到錢。」
范振鋒笑道：「華哥（黃日華）一睇到報紙，就叫我幫佢揀幾卡送畀阿嫂，佢哋個個好勁，老婆生日送保時捷，買兩、三卡好濕碎，我會畀折扣佢哋。」問思欣有老公投資，會否生BB作回報？她即笑謂：「仲蝕多啲！（為賺奶粉錢鋪路？）都會向呢個目標進發，想快啲置業。」