唐寧多做運動Keep童顏

今年已經三十一歲的唐寧（Leila）已有一個兩歲大的仔仔，雖然已為人母，但Leila仍保持着「娃娃樣」，狀態Fit如青春少女般。保養得宜的Leila甜笑地透露其保養心得：「我近期鍾意咗做瑜伽，仲不時到健身室做運動。做運動會令血液循環好啲，皮膚自然都會好咗。」

問到生完BB後反而勤力做運動，是否為了產後修身？Leila則表示做運動不只是為追求美好身形，更是為作仔仔的「強勁後盾」。她說：「有咗仔仔之後我好注意健康，因為湊仔都要體力，又要陪佢玩，而且仲要做佢嘅榜樣。而我今年年頭開始食素，唔食肉係因為我好鍾意動物，唔想傷害佢哋，又可以環保啲。」愛心爆棚的Leila不但維持健康均衡飲食，她更透露每次做完運動後都有小秘訣令自己更加健康。她說：「我依家有做開運動兼維持健康飲食，而且近排我代言咗一隻健康消脂酢飲品，一路都有Keep住飲，成個人感覺比之前輕鬆咗，連精神都好咗好多。」

仍是娃娃臉的唐寧已是兩歲小朋友的媽媽，果然保養得宜！	唐寧早前為代言的產品拍攝廣告，狀態fit爆。	唐寧晒幸福，與囝囝情深一吻。

捉得住青春

愈活愈後生的Leila表示青春雖走得快，但仍可以捉得住：「啲人話，女人一過咗廿五歲就會好易老，而我仲三十有多。但我自己又覺得，青春都係可以捉得住，只要乖乖地做運動，健康飲食，身體機能好咗，皮膚身形就一定靚o架啦。」

文：專案組