王梓軒跳火坑 自我摧殘

《娛樂 on Show》資訊最快最新，每次都邀請不同紅星嘉賓，今次主持人廖嘉輝（Luke）邀請歌手王梓軒分享音樂心得。近日王梓軒推出新歌《跳火坑》，睇歌名大家都估到歌曲風格會比較搖滾，不過其實王梓軒是想帶出正面的訊息，他說：「跳火坑係好危險嘅動作，你跳得過就無事，跳唔過就會化為灰。我想講大家面對危機嗰陣，一係就用力咁跳去戰勝心魔，一係就跌落去！」在《跳火坑》MV中王梓軒一人分飾兩角，更會自己打自己：「MV入面，有兩個我，一個係我自己，另一個就係我自己變出嚟，但唔係奸，只係想通過一個格鬥方法，去喚醒大家怒火，等大家可以豁出去。」

生日忙過做騷

而本月3日27歲生日的王梓軒獲主持人送上生日蛋糕慶祝，更被主持人「老屈」要他反唱生日歌給自己，王梓軒坦言入行後曾過一個「又sweet又累」的生日，令他非常難忘：「我啲歌迷好有心，會約我出嚟，布置好晒個生日場地同我慶祝生日，不過每次都要我唱歌，仲累過做騷，要玩好耐先走得，不過其實我係好開心嘅。」

王梓軒反唱生日歌給自己。	27歲生日的王梓軒獲Luke送上生日蛋糕慶祝。	王梓軒早前與美國清唱樂團The Exchange在港作街頭表演。

另外，王梓軒又透露早前與美國清唱樂團The Exchange在港作街頭表演，又計劃推出國語大碟，想知道王梓軒更多表演細節？快啲click入《娛樂 on Show》睇吓啦！

採訪：專案組

髮型：Maggie Law @ Kimrobinson

化妝：Ranson Law @ Beauty Tech

服裝：G-StarRaw & Jimmy Black（Shoes）

場地：通利琴行