陳柏宇MV「飛」女友

歌手陳柏宇（Jason）日前舉行唱片簽唱會，雖然當天下着滂沱大雨，仍有過百fans冒雨支持，Jason跟兩位樂手在沒有咪及喇叭的情況下清唱三首歌，贏得全場掌聲，他坦言擔心因天雨影響只得零fans：「好在唔係啫，開簽唱會前，我搭車去整頭髮，都淋到成身濕晒又截唔到車。」
陳柏宇冒雨搞簽唱會，幸得「忠粉」支持。
陳柏宇冒雨搞簽唱會，幸得「忠粉」支持。

新碟於3月推出，卻等到5月尾才搞簽唱會，全因Jason工作太忙，加上早前他和模特兒女友符曉薇到加拿大探親，此行另一重要任務是「速遞」代親戚在港買他的新唱片：「因為喺加拿大買我張唱片要成二百幾，香港就平一半！（會唔會請女友擔任MV女主角？）唔會，我對工作好有要求，怕同女友合作會有拗撬，所以就算佢自動請纓做女主角，我都拒絕佢。」

陳柏宇（左二）清唱贏得掌聲。
  • 陳柏宇（左二）清唱贏得掌聲。