黃宗澤號召忠粉集腋行善
藝人黃宗澤（Bosco）拍劇佔據生活上大部分時間，早前他不忘抽半天假探訪患病兒童，更有意組織自己的fans團齊齊做義工為慈善出力，但成立個人名義的慈善基金，Bosco認為目標太遙遠。
近日Bosco忙於開工拍劇，早前難得有一日假期，Bosco即抽空到位於沙田的麥當勞叔叔之家，探訪一班患病的小朋友，並為慈善tee拍攝宣傳海報助院社籌款。首次接觸患病兒童，Bosco起初都擔心病童精神及身體狀況，但最終竟和他們玩了一個下午，證明在良好環境下治病，對病情有很大幫助。
搞基金言之過早
Bosco說樂於做義工，但因近半年來內地、香港兩邊拍劇，根本沒有時間兼顧，希望將來有機會召集自己的忠心fans齊齊做義工，透過fans聚會順道為慈善出力，他說：「我有勸喻fans將用來買禮物畀我嘅零錢儲起來，捐畀有需要嘅人仲有意義。（有冇諗過以個人名義成立慈善基金？）呢個真係言之過早，有機會當然係好事，但唔係咁簡單o架，好多管理同行政上嘅事未必識得處理。」
有興趣設計tee
喜愛潮流打扮的Bosco，反而對設計慈善tee大感興趣：「都想試吓以cross-over形式同一啲品牌合作，可以親自設計款式，又做到善事，呢個暫時作為自己一個小目標，希望逐步逐步去做累積經驗，先能夠達成更大的目標。」
文：音樂組