敖嘉年 麻甩佬打上癮
早前無綫劇《神探高倫布》被炮轟劇情荒誕，令該劇收視未如理想，身為劇中演員的敖嘉年，直言觀眾的反應令他始料不及，他說：「估唔到大家反應會咁激動，但都感到安慰嘅，有人討論即係有人睇嘛！」雖然《神》未能得到大家的認同，但嘉年就坦言不會擔心日後劇集的收視，更謂不會感到有壓力：「有時演員同觀眾都會需要新嘅角色同劇本，就算之後拍劇都唔會壓力。」
而向來搏到盡的嘉年索性為新劇留長頭髮及留鬚，以「麻甩」形象示人，他透露新劇將一過手癮打戲連場：「呢套係入行以嚟打得最勁嘅劇，會同陳茵媺首次合作做情侶。」但一向不錫身的他，卻在拍攝期間弄傷，他說：「整傷咗大腿坐骨神經，睇咗中醫o架喇，不過冇所謂啦，有得打仲好，但唔敢同屋企人講。」