陳鈺芸擘髀飛腿為港爭光
武打女星陳鈺芸（JuJu）即將代表香港遠征保加利亞，出戰跆拳道比賽，雖然JuJu上圍激凸，但無礙她練功，眼見她擘髀、飛腿等如雕蟲小技，十足十電玩人物「春麗」一樣，又睇得又打得！
歌手陳鈺芸（JuJu）除擁有驕人上圍外，還精通各種功夫，七月她將會代表香港，越洋到保加利亞出戰跆拳道比賽，她指出：「全港派出三位代表，我係其中一個，依家每個禮拜都要抽時間同師傅練習，實在不容有失！」
加緊練習
為揮低大大舊的國際選手，JuJu近排加緊練習操fit自己，眼見普通的壓腿及拉筋等基本功實屬「小兒科」，JuJu索性「腿張開」，大玩一字馬，認真厲害。經過一輪「前戲」後，「春麗」上身的JuJu終於入「高潮」，首先使出一記「攞你命飛毛腿」，之後再施展「奪命凌空飛踢」，有姿勢有實際，實在唔嘢小！
接拍西片
JuJu笑言自己自從看過電影《柔道龍虎榜》後，就迷上習武，問到JuJu可想找個「咁上下」的男友？現正單身的她說：「其實我初戀男友係打空手道，我哋可以切磋之餘又傾到偈，幾好o架，同埋我都想可以小鳥依人咁搵個男友依靠。」雖然愛情「交白卷」，但JuJu就感恩說：「依家工作方面都唔錯，遲下會出書，又會接拍武打西片，愛情呢啲嘢都係隨緣啦！」
文：音樂組
攝：司徒國榮