謙仔憐香搭膊食檸檬
楊怡的緋聞男友羅仲謙靚仔兼身形弗，是不少女士心目中的男神，但他在新劇中卻得不到岑麗香的歡心，早前拍攝一場搭膊頭戲時更慘食香香的檸檬，香香又表示與謙仔拍拖手戲沒有觸電感覺，擺明要與他保持距離。
羅仲謙和岑麗香在無綫新劇《On Call 36小時II》中關係像霧又像花，之前二人與黃智雯及袁偉豪等拍攝一場燒烤聯誼戲份時，羅仲謙希望拉近與岑麗香的距離，想主動搭她膊頭，可惜岑麗香不太領情借意避開，羅仲謙慘食檸檬。
自嘲怕醜仔
事後問羅仲謙現實中有否試過食檸檬？他指自己拍拖經驗不多，亦是怕醜仔一名，求學時間若遇到心儀對象均需要透過第三者表白，他說：「因為我比較細膽，所以好少追女仔o架！」問到會否擔心與岑麗香傳出緋聞？羅仲謙笑說：「冇得怕，都控制唔到嘅。」羅仲謙又讚岑麗香為人勤力和專業，經常在埋位前做足準備：「見佢喺劇本度寫咗好多中文拼音。」
岑麗香亦讚羅仲謙令整個劇組很團結，拍攝前會有很多交流，拍攝時大家更能投入，至於會否擔心與羅仲謙傳出緋聞，她說：「唔好啦，最好唔好傳，如果傳都惟有只當係宣傳啦。」
兩女愛一男
對於劇中一場與羅仲謙的拖手戲，岑麗香笑言沒過電：「佢係我師兄嚟o架。」劇中岑麗香與羅仲謙及李雪瑩會陷入三角關係，問岑麗香現實中有否試過？她說：「以前讀書試過同個女仔好友鍾意同一個男仔，我哋一齊放棄咗，因為友情好重要。」
文：影視組