歌手王梓軒早前出席校園騷，與一班學生哥玩遊戲。問他與年輕人相處有何心得？他說：「最緊要唔好當佢哋係小朋友，如果唔係會有種代溝感覺，一定要當佢哋係朋友。」他又呼籲家長要多注意青少年的反叛期：「後生仔喺反叛期想挑戰多啲嘢，我細個都係咁，會有好多意見。」
問梓軒求學時是否校內風頭躉？他笑言：「讀書時唱歌都有女仔示愛嘅，不過我多數同男仔玩多啲。」再問可有受愛？他尷尬說：「做朋友咋！」
