張兆輝殺入荷里活：片酬比香港高

曾拍攝電影《盜火線》的美國著名導演米高曼（Michael Mann），早前秘密來港為未命名的新戲睇景及物色演員，前往試鏡演員包括湯唯、張家輝、張兆輝、余文樂、唐文龍、沈震軒等。

湯唯有份演

據美國報道指，米高曼已睇中湯唯，安排她在片中飾演「雷神」基斯漢斯禾夫（Chris Hemsworth）的女友，據知，張兆輝和余文樂亦擊敗一班對手被取錄，齊齊打入荷里活市場，新片月底將會開工。

湯唯將於米高曼的新片飾演「雷神」女友。

張兆輝讚米高曼友善，試鏡只為加深了解演員。

張兆輝接受電話訪問時坦承首次拍攝荷里活電影，他興奮地說：「都冇諗過OK，當時經理人問我想唔想去試鏡，我話好呀。拍咗幾十年戲都未試過拍荷里活電影，試鏡當係去見識吓。米高曼係睇過杜琪峯啲戲然後搵我，試鏡其實係想對演員加深了解。」他大讚米高曼相當友善，當日試鏡以英語演繹兩個劇本。

不刻意操弗

荷里活電影製作費向來是天文數字，問張兆輝酬勞是否很好﹖他笑說：「梗係比香港電影高啦！西片畀演員嘅片酬係高啲。」他稱平日有鍛煉身體，故不會刻意操弗準備，電影公司亦沒要求他預先練習英語對白。

文：影視組