范振鋒揼「本」 進軍IT界
藝人范振鋒與太太李思欣昨日到將軍澳為有份投資的電腦商店「地腦天坊」剪綵，范振鋒表示：「間舖投資過百萬，我只係小股東，姨丈先係大股東，佢經營開電腦商店，加埋依間有4間，計劃兩個月後再開多間，希望兩年內有超過10間分店，到時會諗上市。」
范振鋒雖然是藝人，但經營生意多多，包括火鍋店，他說：「以前細個跟志偉、叻哥、校長踢波，見佢哋咁紅仲要做生意，其實因為娛樂圈好被動，有自己生意嘅話安全感會大啲。不過，藝人先係我正職。」李思欣亦受老公影響最近開始經營網上鑽石生意，還修讀珠寶鑑證。
談到本月二十日是范振鋒生日，少有入廚的李思欣打算整幾味為老公慶祝，她笑說：「我未煮過o架，依家上網學緊，希望到時食得啦。」