家強唱走鬱氣 勸Paul放下
一連兩場「黃家強It's alright LIVE 2013」演唱會前晚在九展舉行尾場，家強在台上唱走鬱結，他叫別人不要阻他懷念哥哥家駒，對於黃貫中（Paul）突然不鬧反挺，家強亦前事不計，讓風雨過去，大方接受Paul的「支持」，言談間也似勸他放下成見。
黃家強的個唱在他與黃貫中的爭拗聲中展開，前晚尾場，家強說到音樂路不易行，有歌迷說「搵埋兄弟」，家強坦言：「少兩個多六個（指個唱樂隊），但唔好亂講，事情冇絕對。」家強又稱家駒留下不少作品及結他，根本不用問人借結他。
憶起與Paul的是非，家強在台上一抒鬱氣：「我重申今次係我黃家強演唱會，大家唔好誤會，但今年係家駒離開20周年，做佢細佬係咪唔做呢？係咪同阿哥講句『好掛住你』都唔得呢？」觀眾回應「得，加油！」家強哽咽說：「我唔理講乜，我要懷念我阿哥，我鍾意幾時懷念就幾時懷念，你做又好唔做又好，但唔好阻住我。」之後家強率全場觀眾呼「家駒懷念你！」並唱出《祝你愉快》，場面感人。家強唱《好好》送給家駒時，大銀幕播出不少圈中人照片，第一張是葉世榮。
冇收賠償金
個唱結束家強受訪，問Paul突然示好，可擔心他情緒出問題？家強說：「有擔心過，但我係局外人，情緒上嘅照顧要家人做。無論點改變，由鬧我到支持，我都接受，以前嘅事就當過咗去。（近排嘅是非都係？）我可以o架。」
Paul曾叫家強不要視Beyond為家族生意，家強回應說：「不嬲都唔係家族生意，大家都可以唱Beyond嘅歌，大家都有份。」至於Paul說曾借結他給家強，家強說：「我唔係冇錢買，而家駒留低嘅結他多到彈唔晒。我懷疑佢記錯人，佢係借過畀William（前Beyond成員），但William冇還，最後爛埋，我係低音結他手，又點會借佢結他。」
有傳當年家駒逝世賠償金有一億，Paul稱沒收過分文，亦捱得好苦，家強說：「我都冇收過，賠償金唔會賠畀父母以外嘅人。」至於家強被指未完成家駒建音樂學校的遺願，家強指這不是家駒遺願，而是當年自己想延續家駒音樂的心願，但暫未有能力做到。
文：音樂組