Jocelyn谷青筋胸 Mandy跌咪爭峰
「翻版關之琳」Jocelyn與名模Mandy Lieu前晚齊齊谷胸亮相活動，前者露白滑「青筋胸」，性感誘人至極；而身材稍微遜色的Mandy就一招烏身執咪奪「峰」頭，而名模馬詩慧長女王曼喜亦以大露背殺入，大鬥性感！
前晚Vivienne Westwood舉行「CHAOS」展覽開幕酒會，大會特別邀得黃偉文、李蕙敏、形象設計師郭慶彬、名模姚書軼及賭王千金何超雲前男友王大業等撐場，但要數全場焦點，莫過於兩位混血名模Jocelyn及Mandy Lieu！兩女均穿上性感tube dress，谷盡豐滿身材，Jocelyn的白滑雙峰不但谷出青筋，其胸前的兩個小袋亦趣怪十足，難怪她也笑說：「係真嘅袋口，可以裝嘢o架！(老公准唔准你咁性感？)只可以同佢一齊囉，但如果唔係同佢一齊着到咁性感，我都唔自在，因為佢可以保護我！」她又透露6月7日是結婚5周年紀念，二人將旅行慶祝，並順道「造人」。
同場的Mandy Lieu自言打扮性感要份外小心，怎料隨即卻不慎掉下手中的採訪咪，記者即時起哄，Mandy「唯有」烏身執拾而變得愈加「峰」起雲湧，幸沒春光乍洩。有指她將半裸拍情慾戲，她澄清：「如果想睇我半裸嘅觀眾會好失望，同埋唔使買飛，因為係唔會有，Mandy Lieu係唔會拍三級片嘅！」不過，她在戲內會有僅穿內衣及與對手激情濕吻片段，全屬「處女」演出，令她大感緊張。
王曼喜搶鏡
此外，名模馬詩慧及王敏德的長女王曼喜亦以真空大露背出席，並笑說：「係冇嘢o架，不過畀媽咪睇過，我鍾意性感得嚟平衡啲，例如露前就唔好露後，露上唔好露下，（咁你做唔到o靚模？）冇諗住做喎！」對於早前被拍得與男伴在街頭抽煙，她坦言媽媽已勸她戒煙，並否認該男伴是男友，更大爆：「阿妹就有拍拖，我仲未有男友。」
文：名人組