甄澤權「復仇」刀鋸嘉欣
魔術師甄澤權（Louis）昨日與黎芷珊出席活動，Louis表示將在書展推出新書：「好多藝人朋友好似李思捷、鍾嘉欣、鄧梓峰、楊洛婷、林盛斌，一聽到我出書就幫我寫序，真係好多謝佢哋。」他又計劃今年舉行個人魔術騷：「依家搵緊投資者，希望大約10月、11月左右可以演出。」問會否找曾在節目《玩嘢王》內整蠱過他的李思捷和鍾嘉欣做嘉賓？他說：「想呀，搵佢哋表演認真嘅魔術，好似『刀鋸嘉欣』咁。」
而黎芷珊亦表示其清談節目《最佳女主角》的進度已如火如荼：「今年會出，Total有十幾個女主角，香港同內地都有。（有冇林青霞？）我用盡所有方法都想搵青霞姐姐，但佢唔想做坐定定嘅訪問。（張曼玉？）大家拭目以待啦。」
