連詩雅 沈震軒被迫濕吻
連詩雅（Shiga）、莊思敏、吳若希、蔣家旻等前晚出席電影《溝女不離3兄弟》煞科宴，眾女性感上陣迎接夏日，唯獨女主角連詩雅打扮密實。Shiga笑言近期走健康路線，不過戲中飾「媽媽生」的她，戲服大多是露腰裝配高踭鞋，故每日都要挺胸收腹十多小時，辛苦非常。片中她與沈震軒大團圓結局，劇本原定以蜻蜓點水輕吻作交代，沒料導演葉念琛臨時改變主意要他們濕吻。Shiga謂：「都要焗住咀o架啦！（沈震軒好唔好咀？）好似被迫咁，有多少尷尬。（咀出火花？）梗係冇，其實大家咀過好多次，只係未試過濕吻，本身又係好朋友，好欣賞佢才華。」
另外，穿大露背連身裙的莊思敏腳踏六吋高踭鞋出席，走路時差點拗柴。她說：「拍戲嗰時日日都着，但因為啲路唔平，搞到有一日膝頭舊患復發要去睇醫生。（向葉念琛詐型？）冇，自己第二日放假，咁大家係好朋友，約食飯隨時都得，希望單緋聞隨住套戲拍完告一段落，有新戲就再有緋聞，但希望下次係真嘅。」
