Lisa S.臨盆期間，因BB的身體打橫而未能順產，婦產科醫生余啟文對此表示：「正常BB出世時係由頭部出先，如果BB身體一直打橫，根本出唔到嚟，亦可能引致孕婦突然穿羊水，BB臍帶下垂，甚至脫落。因臍帶係代表BB生命線，BB或有生命危險。」
余醫生表示若遇到上述情況，需盡快讓BB出世：「醫生可用手隔住孕婦嘅肚皮去推BB嘅身體調正胎位，但呢個做法唔單止有難度，仲會令孕婦感到痛楚，會建議醫生開刀。」問到為何BB的身體會打橫？余醫生表示原因眾多：「有機會係孕婦子宮有瘤，阻住BB轉身，又或者係婦女胎水過多，令BB喺胎內嘅活動範圍增加。」