陳豪錫「老婆」：我做得o架啦！
好事近的陳豪（阿Mo）昨日出席活動幸福笑容掛嘴邊，對有關結婚、做爸爸等問題，笑說「有好消息會話畀大家知」，活動完後又很有風度送經理人返歸，做個負責任的男人，難怪他稱婚後不用老婆工作。
公認是無綫「筍盤」的陳豪，最近盛傳即將和女友陳茵媺結婚，因她已懷有陳家骨肉，遂向無綫請假回加拿大安胎，阿Mo更越洋提親。昨午阿Mo現身銅鑼灣某商場出席品牌活動，全程春風滿面、笑到見牙唔見眼，對於雙喜臨門，他除了笑之外，還是笑，幸福二字完全寫在面上！
「到嗰陣就知啦」
受訪時，阿Mo對所有傳聞保持神秘，講得最多的是：「有好消息會話畀大家知。」追問何時會有好消息？他就不斷帶記者遊花園：「到嗰陣就知道，希望大家畀啲空間我啦，貫徹我低調嘅作風。（歐洲結婚？）唔知道。」問到為何不陪女友安胎，阿Mo雖笑而不語，但就謂不用她工作：「我做得架啦！」他冧爆透露即使分隔兩地，但天天都有和女友聯絡。
苟芸慧恨做姊妹
對於有報道指阿Mo即將約滿無綫，有意向外闖不再續約，他說尚未滿約，正考慮是否續約。同場的苟芸慧說未有追問好友陳茵媺是否好事近，不過她說：「若果搵我做姊妹，一定唔會托手，幫朋友我會兩肋插刀。」苟姑娘表示感情空白，Mr. Right尚未出現，希望覓得圈外男友。
活動後，阿Mo親自開車先送經理人到銅鑼灣時代廣場，待了四十分鐘接回經理人返家後，便獨自開車返歸，可能好事近，全程阿Mo安全駕駛兼表現友善，對記者笑晒口。
文：影視組