Sammy籌備開騷 冇搵家強
樂隊Kolor主音Sammy、LMF成員大飛和老占前晚為青年樂隊比賽擔任評判，提到黃貫中在微博炮轟黃家強，更叫家強要善待Kolor，當日由家強親手提攜入行的Sammy對此不敢評論，他指自己與其他成員都有鬧交，但最緊要互相尊重和磨合。提到家強開騷可有請Kolor出席？Sammy說：「冇請我哋，我哋都要忙七月個騷。（有冇同家強聯絡？）完約後好少，好似轉工咁冇再搵大家。」
另外，前Beyond經理人陳健添日前在微博上載一張26年前與黃家駒、葉世榮的照片，留言疑似寸家強：「26年前的今天，我不知道你在哪裏？」