周麗淇撐Bosco 兩件頭陪露

剛播完的無綫劇《金枝慾孽貳》收視一度跌至18點，緊接播映的《好心作怪》自然承受壓力，昨日一班演員黃宗澤（Bosco）、苗僑偉（三哥）、周麗淇（Niki）及萬綺雯等到馬鞍山落力宣傳，眾人投入玩遊戲力谷收視，Niki雖全身黑衫，但膊頭有魚網設計又露臍，暗藏性感。

Bosco承認臨近播映壓力愈來愈大，希望收視高開有26、27點，之後升至30點，更誇下海口，若有32點便穿上三角泳褲娛賓，問到是否準備操肌，他說：「即刻操多幾吓囉！（搵人陪？）三哥、Niki都唔肯，叫Niki着潛水衣囉！去沙灘熱死佢！」三哥則自嘲穿泳褲肉酸，但可着單車褲陪Bosco。

至於Niki亦耍手擰頭拒穿泳衣，笑言「唔想趕客」，但在兩男慫恿下，惜肉如金的她終於說：「好啦！35點就泳衣，唔係Bikini，係兩件頭。」不過，Niki透露將返內地拍劇三個月，隨時可走數不用穿泳衣。

內地劇酬勞夠買樓

Niki亦直認拍內地劇酬勞可觀，故甘願捱熱拍古裝戲：「之前都推過內地劇，但呢次係大製作，價錢都好。（夠買樓？）都可以，一千呎以下都OK！今次飾演公主但有策騎嘅戲，盡量親自上陣，劇組都唔想我受傷嘅。」提到日前在內地發生交通意外，Niki表示當時正在睡覺亦沒有繫上安全帶，沒有受傷認真要還神。

文：影視組