張智霖 劉心悠齊齊贏馬

劉心悠以形象大使身份為F&H By FANCL拍攝全新一輯營養補充品，今次還找來好拍檔張智霖一起拍攝，心悠指很開心可以再跟Chilam合作：「佢拍完個廣告仲請我哋食火鍋，咁啱撞到葉念琛又係跑馬日，我哋仲一齊買馬贏咗，真係好好彩﹗」兩人已成觀眾心中的螢幕情侶，對此Chilam照單全收，並透露可能還有機會在電影上再合作：「我同心悠嘅緣分仲去到馬來西亞，佢下個月會去拍戲，我就去嗰度宣傳《衝上雲霄II》，希望有時間再食飯。」
張智霖及劉心悠拍攝時齊齊跳高，彈跳力驚人。
張智霖及劉心悠拍攝時齊齊跳高，彈跳力驚人。

說到有指無綫或將《衝II》押後播出避開收視低迷期，Chilam相信會如期播出，無綫才會安排他到星馬宣傳，並稱不擔心成為炮灰，覺得做好本分就夠。

張智霖及劉心悠已習慣以情侶姿態合作。
  • 張智霖及劉心悠已習慣以情侶姿態合作。