「台灣音樂教父」羅大佑昨日來港接受now101台《輝哥的饌賞》專訪，他指今次沒有攜愛女同行，問到囡囡識叫爸爸未？他一副慈父相說：「未識，但似似哋，我都有啲心急，但有啲嘢急唔嚟。」對於在《中國最強音》節目中，同為導師的陳奕迅（Eason）被指安排黑口掟櫈谷收視？當時也在場的羅大佑說：「Eason成日動作都誇張少少，我哋冇不和、冇芥蒂。」
