廖碧兒聞陳豪結婚大方送祝福

廖碧兒離開TVB後，主攻內地拍劇賺人民幣，她昨日回港出席紅酒活動，被問到現時TVB劇集收視欠佳，會否自覺早走早着？她表示：「唔知收視，內地無得睇，好開心依家方向，之前嘗試做反派，好多打戲，做咗（腰部）手術後可以拍番。（TVB有冇接觸你叫你回巢？）冇，係都接觸公司。」

暫時以事業為重

至於有否留意舊愛陳豪與陳茵媺傳出婚訊？她坦言沒有留意：「自己做自己工作，（祝福佢地？）係真的話，當然會恭喜！但唔知真定假。」問她會否因此而加把勁認識另一半？她說：「工作行先，依家喺內地反而有機會同番以前同事合作。」又大方讚陳豪和陳茵媺非常合襯。

而同場的陳煒就透露將加入處境劇《愛‧回家》，問怕不怕拍處境劇辛苦？她反問：「有咩戲唔辛苦？仲好，多點時間同同事相處。（阻你搵外快？）嗯……冇諗，啱啱入TVB一年，多點時間喺螢幕同觀眾接觸會好啲。」提到TVB劇最近收視欠佳？她就表示：「唔係呀，幾好呀，《金枝慾孽貳》有我份嗰集最高收視喎。」

陳煒笑言亞視台慶56周年logo像「死」字。

陳豪、陳豪

陳煒笑亞視logo

另提到舊公司亞視台慶56周年logo被取笑像「死」字，煒哥竟哈哈大笑表示有留意：「佢哋話會修改，仲話係美術部做咗好耐，可能我哋睇先世俗，我當初睇唔覺，報道咗出嚟睇就幾似。」

文：名人組