松岡騷quali鍾嘉欣被噓
藝人鍾嘉欣、黃浩然、陳偉成（Avis）、日模松岡李娜昨出席活動，Avis騷肌、松岡三點式亮相，令隨後出場的嘉欣、浩然遭噓爆，豈料浩然隨後突然甩褲搶鏡，毫無睇頭的嘉欣慘成「大輸家」，事後她扁嘴問如何才可反勝：「不過見到浩然都好有感覺。（咩感覺？）好有沙灘feel！」
松岡則笑言因未到夏天，緋聞男友林德信未見過她的泳裝，稍後會讓他欣賞一下。而Avis被問到周秀娜暗示轉電話號碼避他，他直言大家久沒聯絡：「我哋暫時唔係朋友，冇諗住要攞佢電話。」提到娜姐有新緋聞，Avis追問之下知是電影監製黃永峰，即鬆一口氣說：「佢哋係好朋友啫。（咁你呢？）我怕開始鍾意男人，見到女仔有啲驚，唔想咁多緋聞。」
