鄭融恨戴頭套拍古裝

鄭融早前上ontv《娛樂onShow》接受主持人俞詠文訪問，問到新歌《爆》是跟十年前的《嬲爆爆》互相呼應，她說這是黃偉文第一次「正式」幫她寫歌，她說：「佢覺得係時候適合我去唱。」她說《爆》MV中的黑白是指「日與夜」，代表住她的內心。問到未正式開過演唱會的她恨唔恨開騷，她說：「想快啲開，以前覺得自己未ready，唔想咁快開，因為聽人講第一個演唱會個口碑好唔好係好緊要，希望今年可以做到，年尾應該會開演唱會。」

唔介意做奸角

鄭融又謂未來最想試的是拍電視劇：「拍劇好有挑戰性，我覺得一定要試！」被問到如果tvb找她拍《學警雄心》或《金枝慾孽》，她會選哪一套劇？她謂兩套都想拍：「我好鍾意古裝，好耐之前已經羨慕啲人可以戴頭套、着古裝衫同講文言文。（應付到文言文？）好想試，就算做奸角都唔介意，睇吓可以有幾奸。」

鄭融自爆與好友薛凱琪同樣「論盡」。	鄭融刺爆氣球時嚇到大叫。	俞詠文與鄭融做訪問，鄭融透露今年年尾將會開演唱會。

此外，她又在訪問中自爆她跟好友薛凱琪一樣「論盡」：「身邊同事成日取笑我哋大頭蝦，大家都暗地裏諗到底去到機場冇帶證件會先發生喺邊個身上，點知嗰次出埠佢（薛凱琪）真係兩樣都冇帶，好彩我哋早到，趕得切返屋企拎，之後我自己都試過去到機場先發現冇帶證件。」

文、攝：專案組

髮型：Sev／Hair Culture

化妝：Vinci

服裝：Pink Martini

場地：Boom