焦媛男友出軌：返屋企都無用
焦媛在即將演出的舞台劇中，演出四角戀之中的其中一角，當中四人無論在感情和肉體方面均錯綜複雜。焦媛坦言現實中不許男友「行差踏錯」，但現階段仍對男友充滿信心。
舞台劇演員焦媛將聯同尹子維、李潤祺和朱鳳嫻，重演○六年上演過的舞台劇《誘心人》。身兼藝術總監的焦媛，今次則捨棄當年脫衣舞女郎一角，改演當年由鄭文雅演出的攝影師的角色，焦媛說：「其實當年我已經好想做呢個角色，依家事隔咁多年，我覺得係時候可以做一個成熟穩重啲嘅角色，我依家要積極學習專業攝影師影嘅動態。（男友唔畀你脫？）唔關事，我要脫有排脫啦。」問到會否擔心被拿來與鄭文雅比較，她說：「唔會，大家唔同氣質，無得比較，做出嚟都唔同，我有信心做得好。」焦媛透露劇中兩男兩女關係錯綜複雜，表達出男、女之間的欺騙和對性的看法，意識相當大膽但亦同時表達出現今社會的某一面。
對男友好有信心
焦媛表示現今的女性與過往的已有所不同，她說：「以前啲女人會覺得身邊個男人去滾，最緊要識返屋企。但相信依家現代女性唔係咁諗。我會諗如果男友與人發生感情再發生關係，咁佢識返屋企都無用，佢已經唔愛你。」焦媛笑言近日卻發現自己原來很女人，話說早前她到了台灣工作，男友高志森卻在香港被拍到與年輕少女看戲，令她感到不是味兒，她說：「雖然我都識個女仔，佢係幫我哋舞台劇做嘢嘅，但自己都吓咗一下，原來我仲有一絲絲妒忌心。其實諗番都係笑話一則。因為大家都識，我對男友好有信心。」
文：影視組