As One出擊求愛

由黃柏高力捧的As One以青春可人的形象風靡不少年輕粉絲，早前她們就推出第三首主打歌，新曲鼓勵少男少女要勇於求愛，感同身受的Nata表示：「好多女仔遇到心儀對象都會左諗右諗，但機會往往喺猶豫嘅時候溜走。」在旁的Shin補充：「如果太顧面子，幸福就會錯過o架啦！」深感認同的Oli笑說：「絕對唔可以怕醜！」問到四女現階段可有對象？Elfa笑言：「我依家同Shin、Nata同Oli拍拖。」

出首張唱片

出道已有一段日子，四女亦即將推出首張唱片，她們又笑指自己「未婚產子」，對於臨盆在即，Nata直言：「我好鍾意跳舞，由細細個開始跳，但真係諗都冇諗過自己會有一日出碟！」而Oli就期望「寶寶」能為身邊人帶來快樂，她表示：「我跳舞都係希望帶畀人開心。」

自細習舞的Nata大爆Shin跳舞時的瘀事。

Shin勸女孩子不要太顧面子而錯過幸福。

互相爆瘀事

雖然四人年紀輕輕，但日跳夜跳都難免患上「職業病」，Shin大呻：「有時候懶唔拉筋就直接練習，不時會Chok親條頸！」在旁的Nata即Chok住頸說：「佢成日撳住條頸喺度嗌痛，可以嗌足一日。」而Elfa又隨即大爆：「Nata都成日左腳kick右腳四圍仆o架！」

文：音樂組

攝：司徒國榮