羅藍亞3年不了情 再攻港
再度進軍樂壇的羅藍亞（Lana）最近因與張繼聰合唱《新不了情》而人氣急升，當外界都以為有一粒新星誕生時，原來Lana的歌早於三年前已家喻戶曉，但陰差陽錯令她失去成名機會。今年Lana誓要再次發功，在香港樂壇佔一席位！
歌手羅藍亞（Lana）最近與張繼聰在慈善節目中合唱一曲《新不了情》，其甚具爆發力的靚聲引起各界關注，大家都不知這個小女生究竟從何處冒出，Lana不禁笑說︰「我都離開咗香港樂壇一段時間，所以大家可能唔係好認識我。」其實Lana是09年出道新人，首張專輯已和音樂大師鮑比達合作，其後主力在內地發展，直至最近才決意重新進攻香港樂壇。
欣賞謝安琪
Lana重回樂壇的第一擊選擇了和張繼聰合唱，她坦言非常欣賞對方：「佢把聲好好聽，我哋喺《超級巨聲》度認識，嗰時我係上去踢館做挑戰者。同埋我有留意佢之前套劇，佢做得好好笑！」阿聰老婆謝安琪（Kay）同樣係唱得之人，Lana當然不會錯過︰「我都好欣賞Kay把聲，希望遲啲有機會合作啦。」
唱紅廣告歌
一出道就奪得最佳新人獎的Lana，三年前飲恨失去了一個爆紅的機會︰「我第一首廣告歌就係幫主題公園Halloween唱主題曲，好可惜中間出現咗少少誤會，令到大家以為係廣告入面個韓國女星唱，所以唔係好多人知道原唱者係我。」想當年這首廣告歌唱得街知巷聞，難得白白失去成名機會的她未有怨恨︰「最緊要件事好咪OK囉，知道反應唔錯，好受歡迎已經好開心！」
文：音樂組
場地：御苑皇宴