樂基兒扮可憐拒再戀港男
名模樂基兒（Gaile）與前夫黎明（Leon）分別在港現身，Gaile自言離婚後在港已沒有「家」，自嘲十分可憐，着記者們要可憐她；又表示與Leon分開後，跟誰拍拖都與任何人無關，但就明言不想再戀上港男！
名模樂基兒（Gaile）自離婚後已撤離香港基地，只是有工作才現身。昨晚她出席護膚品牌Lancome活動，同場嘉賓有名模馬詩慧、楊愛瑾等，穿上入膊裙子的Gaile身形變得健碩，她解釋自己每天都做運動。對於早前被拍得與外籍滑水教練男友Cuz拖手？她淡然地說：「唔會答，都咁耐咯，（明朗化？）其實我嘅答案同之前冇變，有關私人嘢同感情事係唔會答，個人生活都唔答。我同Leon分手之後我有冇拍拖，同邊個拍拖，都唔關任何人事，八卦雜誌想點寫就點寫，自己唔會參與，亦唔會攞番嚟講，（驚Leon唔開心？）件事都過咗咁耐，大家都move on，畀啲空間大家，再講都有啲悶！」她自言現時多居於亞洲，有工作才會回港，哪香港是不是沒有「家」？她笑說：「我度度都冇home，只有美國先有，我返嚟會住喺朋友屋企，好似自己home咁，（離婚後好似冇腳雀仔？）係o架，慘o架，所以你哋要可憐吓我！」
將搞設計生意
問Gaile可會搬回香港居住？她謂暫時不會，但也不會排除，她續說：「香港係一個開心嘅地方，做咗好多年嘢，有開心嘅回憶，（識個香港男仔留低？）應該唔會，（怕高調？）唔係，不過之前要講，依家覺得冇需要講，作為model，我想講時裝。」Gaile透露暑假將會有自家設計生意，現先賣關子。另Gaile昨日在instagram上載整指甲照片，搞笑的是，坐在她身旁的兩位妹妹不但年紀很小，而且更不約而同拿着iPad上網打發時間，故她們搶盡Gaile焦點，獲大批網民留言讚cute。
此外，前晚黎明現身陳可辛的電影活動，心情大好的他被問到可會再與對方合作？他說：「總有機會，睇時機啦，今次嚟主要係撐朋友，（想唔想再拍好似《甜蜜蜜》嘅電影？）要睇機會。」
文：名人組