苟芸慧 高海寧爭做足球BB
無綫下月15日將全台停廠，並動用半百藝人「再晒冷」，為下月開波的洲際國家盃造勢，同時為明年獨家播映世界盃作預演。為此，苟芸慧、高海寧心郁郁自薦要做性感「足球寶貝」，另外無綫除找來譚詠麟、曾志偉、陳百祥（阿叻）、李克勤外，更力邀「金句王」黃興桂助陣講波，可謂不惜工本，絕對「有今生，冇來世」！
對被指為無綫自薦做「足球寶貝」，苟芸慧甚有興趣說：「做足球ＢＢ冇所謂，（會性感？）做到一定做，最好叫埋鍾嘉欣、李亞男、王君馨，成group姊妹一齊去巴西就最開心。」高海寧亦願為無綫sell性感，她說：「上屆我都波衫、短褲，性感冇所謂，會盡量配合。」連性感女神周秀娜亦不放過這全城盛事，她說：「若果曾志偉搵，我都想做主持，會惡補足球知識。」
棄天價酬勞撐無綫
對於曾志偉寧捨棄北上講波的天價酬勞，也願以友情價助無綫，阿叻說：「我冇人工添啦！（你老友無綫老闆陳國強點多謝你？）其實係無綫叫到一定做，遲啲我去巴西拍特輯，（無綫派咩靚女陪你？）已知嘅係黃杏秀！（你帶你公司楊焉同蔚雨芯拍特輯？）未知，無綫好多女仔都可以去，徐子珊上次都自薦啦！」
文：影視組