Mr.靠張紙教Dash追女仔
搖滾組合Mr.最近拍攝有線節目《Mr.真搞野》介紹經典小遊戲，教大家於戶外活動時順勢追女仔！這天Mr.推介懷舊紙飛機及紙收音機，隨手一張紙就可以一齊玩，他們更與模特兒比賽，輸咗要大懲罰。
五子向來不乏女性包圍，Tom年紀輕輕已為人父，笑言最急需追女秘技的是為人老實的Dash：「Alan拎起支結他就無敵，Ronny講嘢比較風趣，MJ更加唔使講啦！我已有家室，今次主要係幫Dash囉，希望佢學到嘢啦。」稍後Mr.將到台灣拍攝奉旨「溝」台妹，Dash笑言曾到當地視察環境，夜踩單車博艷遇，可惜無功而回。